Ұлттық банк экспорттық операциялар кірісінің түсіміне бақылауды күшейтеді

15 Февраля 2016 1582 Бақылау, Валюта, Экспорт, ҰлттықБанк

Алматы. 15 ақпан. Ақпараттар орталығы. Қазақстан Ұлттық банкі экспорт кірісінің көлемін анықтау мақсатында сыртқы экономикалық операцияларға бақылауды күшейтеді, деп мәлімдеді ҚР Ұлттық банкінің төрағасы Данияр Ақышев үкімет отырысы барысында, деп хабарлады премьер-министрдің сайтынан.
«Біз экспорттан Қазақстанға ақшалай кірістің қандай көлемінің қайтып жатқаны, қандай көлемінің мүмкін шетел банктерінде қалып жатқаны туралы нақты білуіміз керек. Ол үшін сыртқы экономикалық операциялар мен егер ол олардың қызметтеріне керек болмаса кәсіпорындардың сатып алуларына егжей-тегжейлі мониторинг жүргізу керек», — деді Д. Ақышев.
Сонымен қатар, ол Ұлттық банктің басты міндеті 2016 жылы инфляция деңгейін 6-8% деңгейіне қайта қалпына келтіру екенін айта кетті.
«Енді 2016 жылы теңге бағамын түзету бағаға тікелей ықпал етпейді. 2015 жылы теңге бағамы әлсірегенде жыл қорытындысы бойынша инфляция 13,6% құрады. Инфляцияны 6-8% деңгейінде белгіленген дәлізге қайтару ортақ күшті талап етеді және Ұлттық банк пен ҚР үкіметінің үйлестірілген әрекетіне тәуелді болады», — деп мәлімдеді Д. Ақышев.
Ол болашақта депозиттердің теңгедегі үлесін арттыру күтіліп отырғанын атап өтті. Ол да экономиканы несиелеу үшін банктерде теңге өтімділігін қамтамасыз етеді.
«Осы жағдайда Ұлттық банк ақша нарығында пайыздық саясат құралдарын жетілдіру жұмыстарын жалғастыра береді. Бұл инфляцияның болжалды деңгейі бойынша банктердің, кәсіпорындар мен тұрғындардың болжамдарына әсер етудің қажетті элементтерін жасауға мүмкіндік береді», — деп түсіндірді Ұлттық банк басшысы.