Эпидахуал жөніндегі кеңесте Президент қандай тапсырмалар берді

Фото:ҚазАқпарат

Алматы. 19 шілде. Ақпараттар орталығы -Президент Қасым-Жомарт Тоқаев елдегі санитарлық-эпидемиологиялық ахуал жөніндегі жұмыс кеңесінде Үкімет пен министрліктерге, «Атамекен» ұлттық кәсіпкерлер палатасына және жергілікті әкімдерге бірқатар тапсырма жүктеді. Тағы бір айта кететін жайт, Мемлекет басшысы халықты вакциналау ісінде мәжбүрлеу шаралары қолданылмайтынын жеткізді, деп хабарлайды ҚазАқпарат.

Аталмыш кеңесте айтылған Президент тапсырмаларыАқорданың Twitter-дегі парақшасына жарияланды.

1. Эпидахуалды жақсартудың жұмыс жоспарын дайындау және іске асыру Кеңесте Мемлекет басшысы, елдегі эпидемиологиялық ахуалдың ушығып тұрғанына алаңдаушылық білдірді. Оның айтуынша, күн сайын елімізде 5 мыңнан астам науқас тіркелуде. Оның үстіне аса ауыр жағдайдағы науқастардың саны күн сайын көбейіп барады. Қасым-Жомарт Тоқаев әсіресе, елордадағы жағдай өте күрделі екеніне назар аударды. Осының бәрн сараптай келіп, Президент эпидахуалды жақсартудың жұмыс жоспарын дайындауды және оны міндетті түрде іске асыруды тапсырды. «Ең өкініштісі, азаматтарымыздан айырылып жатырмыз. Сондықтан шұғыл түрде іс-шараларды қолдануымыз керек. Тиісті жұмыс жоспарын дайындап, оны міндетті түрде іске асыруымыз қажет», - деді Мемлекет басшысы.

2. Вакциналау бойынша көшпелі әдістемелік бригадалар құрылады Қасым-Жомарт Тоқаев республика бойынша 2,8 млн адамның имундаудың толық курсынан өткенін, вакциналаудың жалпы қарқыны жақсы болғанымен, өңірлердегі көрсеткіш әркелкі екенін атады. Кеңес барысында Президент вакцинациямен аз қамтылған өңірлерге әдістемелік көмек көрсету үшін көшпелі бригадаларды шұғыл ұйымдастыруды тапсырды. «Пандемия аймақ басшылары үшін өзіндік емтихан болды. Бұл емтиханды әкімдердің кем дегенде жартысы «үшке» тапсырады», - деген Қасым-Жомарт Тоқаев халықты иммундау ісінде әр аймақтың ерекшелігін, ондағы «температураны» ескерудің маңызы зор екенін ескертті.

3. «Вакциналауда мәжбүрлеу шараларына бармаймыз» Сондай-ақ, Мемлекет басшысы бюджет ақшасына әкелінген дайын вакцинаны дұрыс сақтай алмай отырған өңірлерді сынады. Соның салдарынан кей жағдайларда вакцинаның індетке қарсы тиімділігіне нұқсан келген. Президент вакцина алғысы келмейтін адамдармен түсіндіру жұмыстарында әртүрлі тәсілді қолдану қажеттігін жеткізіп, бұл істе мәжбүрлеу болмайтынын баса айтты. «Батыстың кейбір дамыған елдері сендіру әдістерінен мәжбүрлеу шараларына ауысуда. Ірі еңбек ұжымдарының қызметімен байланысты ерекше жағдайларды қоспағанда, біз мұндай қадамға бармаймыз. Өйткені «қыңыр» антиваксерлердің шағын тобы кесірінен өз еңбегімен отбасыларының әл-ауқатын қамтамасыз етіп жүрген азаматтарымыздың денсаулығына қауіп төндіре алмаймыз», - деді ол.

4. Вакцинация паспортын қолдан жасағандар қатаң жазаланады Иммундау процесін жалған паспорттар тежеп отыр. Қасым-Жомарт Тоқаев елдегі санитарлық-эпидемиологиялық ахуал жөніндегі жұмыс кеңесінде осылай мәлім етті. «Вакцинация төлқұжаттарын қолдан жасауға жол берген адамдарға қатаң жаза қолдануды тапсырамын. Мен бұл мәселені кеңейтілген отырыста көтердім. Әңгіме елдің ұлттық қауіпсіздігі туралы болып отыр», - деді Мемлекет басшысы.

5. Құрбан айт қарсаңында инфекциялық қауіпсіздік барынша қамтамасыз етіледі «Ертең бүкіл мұсылман қауымы үшін қасиетті Құрбан айт мерекесі басталады. Елде күрделі ахуал қалыптасып отыр. Сондықтан біз жұрттың құрбандық шалатын жерлерде жаппай жиналуын болдырмауымыз керек. Жағдайды одан бетер ушықтырып алуымыз мүмкін. Үкімет пен әкімдер осы мәселені ерекше бақылауда ұстауға тиіс. Құрбан айтта инфекциялық қауіпсіздікті барынша қамтамасыз ету қажет», - деді Қасым-Жомарт Тоқаев еліміздегі эпидемиологиялық ахуал жөнінде кеңесте.

 6. Эпидемиологиялық ахуалға қарамастан, медициналық көмектің барлық түрі қолжетімді әрі сапалы болуы керек Мемлекет басшысы медициналық мекемелердегі төсектерді COVID-19 инфекциясына бейімдеудің әсерінен жоспарлы оталарды жүргізуге кететін қымбат уақыт ұрланып жатқанын айтты. «Салдарынан асқынған патологиясы бар пациенттердің саны артып, өлім-жітім көбейеді. Пандемия жағдайында медициналық көмектің барлық бағыттары бойынша медициналық көмектің сапасы мен қолжетімділігін қамтамасыз ету маңызды. Ұлттық вакциналау күнтізбесі аясында екпені уақтылы жасау өте маңызды», - деді Қасым-Жомарт Тоқаев. 7. Үкімет QazVac-ты экспорттау мәселесін пысықтауы керек Ресейлік «Спутник лайт» вакцинасын Қазақстанға жеткізу және шығару мәселесін пысықтау қажет. Кеңесте Мемлекет басшысы осындай да тапсырма берді. «Екі жақты уағдаластықтар шеңберінде QazVac-ты үшінші елдер нарығына ілгерілету жөніндегі жұмысты ұйымдастырудың маңызы зор. Үкіметтен осы мәселені ерекше бақылауға алып, нәтижелері туралы бір ай мерзімде баяндауды сұраймын», - деген Президент вакцинация мәселесінде отандық бизнестің қолдауы өте маңызды екенін атады.

8. «Ashyq» жүйесіндегі карантин талаптарын бұзушыларға қойылатын талап күшейтіледі

Сонымен қатар, Мемлекет басшысы Ashyq жүйесіне енгізудегі кедергілерді сынап, ондағы карантинді бұзушыларға қойылатын талаптарды күшейтуді тапсырды. «Шамасы, мұндай жауапсыз адамдар айыппұлдан қорықпайды, өйткені ешкім айыппұл салып отырған жоқ. Ал ЖСН мен иммундық мәртебе жүйеде тіркеліп жатыр ғой. Мұндай жауапсыздық жазалануы керек. Карантиндік шектеулерді сақтамағаны үшін талаптарды қатаңдатуды тапсырамын», - деді Президент.

Жиынды қорытындылаған Қасым-Жомарт Тоқаев коронавирустың жаңа толқыны бұрынғыларынан да жойқын болып тұрғанын айтып, қазақстандықтарды өз денсаулықтарына бейжай қарамауға үндеді.

«Еліміздің әр азаматына айтарым: денсаулықты сақтаңыздар, туған-туыстың, отбасының амандығын ойлаңыздар! Ал, Үкімет пен өңір басшылары белгіленген міндеттердің бәрін мінсіз атқаруға тиіс», - деп түйіндеді Мемлекет басшысы.

 

Источник: ҚазАқпарат

ru В столицу доставили более ста тысяч доз «Спутник V» для

en Kazakh Actor Yerkebulan Daiyrov Wins Best Asian Actor at Cannes

ru Процедуру примирения сторон при бытовом насилии пересмотрят в Казахстане

ru Жительница Акмолинской области продала свою дочь за 1 млн тенге

kz Токио 2020: Зульфия Чиншанло қолаға ие болды

ru Морской круиз могут запустить между Актау и Астраханью по Каспию

ru В Tesla нашли отдел по борьбе с негативными комментариями про

ru Казахстан попал в топ-10 стран мира по числу заражений коронавирусом

en Drought-hit Kazakhstan's wheat supplies bolstered by high stocks, Russian imports

ru Китай нанес удар по собственному нефтяному рынку

kz Қасым-Жомарт Тоқаев Ресейдің Астрахан облысының губернаторын қабылдады

ru Менее 1% составил прирост вкладов казахстанцев в банках за май

ru Почему три района Алматы остались без света

ru Данные миллионов пользователей Clubhouse утекли в Сеть

ru Погода в Казахстане 26 июля

ru В юго-западных регионах страны ожидается повышение температуры до 46 градусов

ru Китай предоставил свыше 600 млн доз вакцин против COVID-19 зарубежным

ru Владельцам временно ввезенных в Казахстан авто нужно вывезти их до

ru О бессрочном периоде обмена банкнот напомнил Нацбанк

en IT Company Kazdream Develops First Digital Voice Assistant in Kazakh

ru Ученые создали первую в мире вакцину от коронавируса в капсулах

kz Алматы шөлге айналып барады

ru Врач рассказала о быстром старении после COVID-19

en Kazakhstan’s trade with Central Asia reaches $4.6 billion in 2020,

ru В МОН озвучили рекомендации по подготовке к новому учебному году

ru В России зарегистрировали выявляющую штаммы коронавируса за два часа систему

kz Алексей Калайчиди жаңа қызметке тағайындалды

ru Ограничительные меры усилят в Алматы из-за 4-кратного роста заражения КВИ

ru Власти Китая планируют наложить на такси Didi крупный штраф

ru Погода в Казахстане 23 июля