Өскеменде 700-ге жуық үйге суға кету қаупі төніп тұр

17 Февраля 2016 1358 Болжам, СуТасқыны, Өскемен

Алматы. 17 ақпан. Ақпараттар орталығы. Алдын-ала болжам бойынша алдағы көктем Шығыс Қазақстан облысында көп сулы болғалы тұр, деп хабарлады ШҚО Ақпараттар орталығынан.

Хабарда айтылғандай, «Қазгидромет» РМК болжамы бойынша өзендердегі тасқын көп сулы болмақ. Егер ақпан мен наурыздағы жауын-шашын қалыпты немесе одан жоғары болатын болса, онда белгілі бір өзендерде жаңбырдан кейін су тасқыны пайда болуы мүмкін, су арнасынан асып, су деңгейі көтеріледі, әсіресе күрт күн жылып, қатты жауын-шанын болған жағдайда.
«Қазгидромет» РМК көп жылғы синоптикалық болжамы бойынша Шығыс Қазақстан облысындағы өзендерде наурыздың екінші он күндігінің аяғына қарай су тасқыны күтілуде және ол әдетте маусым айының екінші онкүндігіне дейін жалғасады», — делінген хабарда.
Облыс әкімі Даниал Ахметов аудан және қала әкімдеріне «су тасқыны қаупі төнген орындарды анықтауды, алдын-ала дайындық жұмыстарын жүрізуді» тапсырды.
Сондай-ақ, суға кету кезеңінде су басу қауіптерін жедел жою үшін ШҚО ТЖ бойынша департамент құралдары мен күші дайындыққа келтірілді.
Тұрғындарды, коммуникациялар мен шаруашылық нысандарын қар көшкінінен қорғауды қамтамасыз ету мақсатында «Қазауылқорғау» ММ қар көшкіні қаупі туғызатын учаскелерді бақылауда ұстап отыр.
Көшкін қаупі туған кезде қар көшкінінің күрт өздігінен болу қаупін жою және профилактикалық жұмыстар жүргізу үшін филиал мамандандырылған мекемемен шарт жасады.
Облыста иесіз гидроқұрылыстар мәселесі толық шешілді. Арнайы кеңесте көктемгі су тасқынын апатсыз өткізуге гидротехникалық құрылыстардың балансұстаушыларының дайындығы қаралды.
1 наурыздан бастап облыстағы қар еруі мен су тасқыны жағдайына мониторинг жүргізілетін болады.
Бұл ретте, Өскемен қаласының ТЖ басқармасынан ҚазТАГ-қа хабарлағандай, бүгінгі таңда 700-ден астам үйге көктемгі су тасқынына кету қаупі төніп тұр.

«Суға кету қаупі төніп тұрған үйлер мен аулалардың тізімі жасалды. Тізімде барлығы 700-ден астам үй бар, оларда 1640-тан астам адам тұрып жатыр. Олар Городская, Кубинская, Рахмановская, Узбекская, Депутатов, Кутякова, Якутская, Сафонова, Комарова, Заводская, Рабочая, Пограничная, Горно-Алтайская, Скалистая, Дружинников, Юннатов, Согринская, Яблоневая көшелері, сондай-ақ, ішінара Ахмирово, Красина ауылдары мен Аблакетка ауданы», — делінген сәрсенбідегі хабарда.

Өскемен ТЖБ бастығының орынбасары Дастан Ахметов атап өткендей, «әсіресе жыл сайын суға кетіп жүрген жерлерге ерекше көңіл бөлінуде».

Сонымен қатар, құтқарушылар тұрғындарды өз аулаларын ертерек тазалауға шақырып жатыр.

«Үйлердің маңы мен аулаларда қар өте көп. Үй маңын қардан, арықтарды қоқыс пен мұздан өз күштерімен тазарту керек, жыралар жасау керек. Үй маңын бітеу үшін арнайы материал (қаптар, құм, саз т.б.) әзірлеген жөн», — делінген баспасөз парақшасында.